Ymgyrch Gwneud Gofal yn Deg
Mae’r pandemig wedi dangos i ni mai gwaith gofal – am dâl ac yn ddi-dâl – yw asgwrn cefn ein heconomi. Mae pobl sy’n darparu gofal a chymorth i eraill, gan gynnwys rhieni, gofalwyr di-dâl a’r gweithlu gofal plant a gofal cymdeithasol, yn ffurfio rhwydwaith anweledig sy’n dal ein cymdeithas ynghyd.
Ond mae dri broblem fawr:
Diffyg gofal plant
Nid oes yna ddigon o ofal plant wedi’i ariannu. Dim ond i blant o dair oed y mae’r Cynnig Gofal Plant ar gael, ac mae rhywfaint o gymorth cyfyngedig iawn ar gael i blant dwy oed mewn ardaloedd Dechrau’n Deg. Mae hyn yn gadael llawer o rieni, yn enwedig mamau, yn methu dychwelyd i’r gwaith neu gynyddu eu horiau ac yn gyrru teuluoedd i dlodi.
Heriau’r gweithlu
Mae’r sector gofal mewn argyfwng. Ar draws gofal plant a gofal cymdeithasol, mae cyflogau ac amodau yn wael ac nid ydynt yn adlewyrchu gwerth y rolau hyn. Mae staff medrus yn gadael am swyddi â chyflog gwell mewn mannau eraill, sy’n gadael anghenion gofal a chymorth llawer o bobl heb eu diwallu.
Gofalwyr di-dâl yn llenwi’r bylchau
Mae prinder staff yn cael effaith ddifrifol ar ofalwyr di-dâl yng Nghymru, y mae’n rhaid iddynt gamu i’r adwy yn aml heb gefnogaeth neu seibiannau digonol. Mae llawer yn ei chael hi’n anodd yn ariannol a gydag iechyd corfforol a meddyliol, sy’n effeithio ar eu gallu i ddarparu gofal a chymorth i’w hanwyliaid.
Mae’n rhaid i hyn newid! Rydym eisiau ‘Gwneud Gofal yn Deg‘ drwy ymgyrchu am:
- Buddsoddi mewn gofal i leihau tlodi ac anghydraddoldeb a rhoi hwb i’r economi
- Ehangu’r Cynnig Gofal Plant i bob plentyn o 6 mis oed ymlaen, a ddarperir gan weithlu cynaliadwy ac amrywiol
- Cyflog byw gwirioneddol ar waith ar gyfer gweithwyr gofal cymdeithasol a gofal plant, ochr yn ochr â chyfleoedd gwell ar gyfer camu ymlaen yn eu gyrfaoedd
- Gwaith gofal di-dâl ar gyfer pob oedran yn cael ei gydnabod a’i gefnogi’n briodol.
Helpwch ni i ymgyrchu dros newid:
Pan fydd gofalwyr cyflogedig a di-dâl yn cael eu trin yn deg, rydym i gyd yn elwa. Cymerwch ran yn ein hymgyrch a fydd yn dechrau yn 2023, a gyda’n gilydd gallwn newid bywydau gofalwyr cyflogedig a di-dâl yng Nghymru.
Cofrestrwch i gefnogi’r ymgyrch a rhannwch eich stori fan hyn.
Cofrestrwch ar gyfer ein hymgyrch fel sefydliad trwy anfon neges e-bost at jessica@wenwales.org.uk
Cyhoeddiadau
Papur briffio Gwneud Gofal yn Deg (RhCM Cymru)
Camau bach, brwydrau mawr (Oxfam Cymru)
Clymblaid ein hymgyrch
Mae clymblaid yr ymgyrch ofalu yn dod â sefydliadau sy’n ymwneud â gwaith gofal yng Nghymru ynghyd:
Grŵp Llywio:
Cefnogwyr:
- Age Cymru
- Bawso
- Anabledd Cymru
- Y Tîm Cymorth Ieuenctid Ethnig
- Ffederasiwn Cenedlaethol Sefydliadau’r Merched
- PACEY Cymru
- Stonewall Cymru
- Cymdeithas Sefydliadau Gwirfoddol Pen-y-bont ar Ogwr
- Plaid Cydraddoldeb Menywod Cymru
- Plant yng Nghymru
- Grwp Cyllideb Menywod Cymru
- Cymorth i Ferched Cymru
- Ymddiriedolaeth Gofalwyr Cymru
Ymunwch â’n rhestr o gefnogwyr trwy anfon neges e-bost at jessica@wenwales.org.uk.