Rydyn ni’n recriwtio Cynorthwyydd Gweinyddol

Rhan-amser: 7.5 awr yr wythnos, dros 2 ddiwrnod o leiaf

Llawrydd am 6 mis Ionawr 2023 – Mehefin 2023

Rydym yn chwilio am Gynorthwyydd Gweinyddol rhan-amser llawn cymhelliant a dynamig, sydd ag agwedd gadarnhaol, egnïol i weithio’n agos gyda Chyfarwyddwr RhCM Cymru.

Os oes gennych sgiliau trefnu cryf, yn ogystal â phrofiad o reoli dyddiadur, a’ch bod yn mwynhau cyfrannu at amgylchedd gwaith caredig, dynamig a chadarnhaol, edrychwn ymlaen at glywed gennych.

Bydd y rôl hon yn canolbwyntio ar waith gweinyddol ar gyfer RhCM, gan gynnwys paratoi papurau bwrdd, a chymorth amrywiol i redeg y sefydliad, yn ôl yr angen.

Rydym yn dîm o wyth ffeminydd, sy’n ymroddedig i wireddu gweledigaeth RhCM o Gymru sy’n rhydd o wahaniaethu ar sail rhywedd. Wrth i RhCM dyfu, felly hefyd ochr weinyddol y sefydliad, felly hoffem dreialu cael cynorthwyydd gweinyddol i ryddhau peth o amser y Cyfarwyddwr, a’r Swyddog Cyllid.

Bydd gennych y rhinweddau canlynol:

• Yn ddynamig ac yn llawn cymhelliant
• Yn gallu gweithio’n gyflym heb fawr ddim goruchwyliaeth
• Yn ymrwymedig i groestoriadedd a Chymru sy’n rhydd o wahaniaethu ar sail rhywedd
• Yn cyd-fynd â gwerthoedd RhCM Cymru: Cyfrifol, Di-ildio, Caredig

Bydd gennych brofiad o’r canlynol:

• Rheoli dyddiadur a thasgau swyddfa
• Cymryd cofnodion a threfnu agendâu cyfarfodydd
• Yn ddelfrydol, byddwch hefyd yn siaradwr Cymraeg

• Swydd lawrydd am 6 mis yw hon
• Lleoliad: Hyblyg, rydym yn gweithio o bell yn bennaf, teithio misol posibl i swyddfa Caerdydd
• £14 yr awr
• Oriau: Rhan-amser: 7.5 awr yr wythnos, yn ddelfrydol wedi’u gwasgaru ar draws yr wythnos, nid y cyfan ar un diwrnod
• Y math o gontract: Tymor penodol: Cytundeb llawrydd 6 mis yn dechrau ym mis Ionawr 2023
• Rydym yn gyflogwr hyblyg a chefnogol

Disgrifiad rôl llawn a gofynion

Gwneud Cais

• Anfonwch eich CV a datganiad 250 gair yn nodi pam yr ydych yn ffitio’r rôl
• i recruitment@wenwales.org.uk
• Dyddiad cau: Dydd Mercher 4 Ionawr 1800
• Cyfweliadau dros Zoom: Dydd Gwener 6 Ionawr 2023
• Unrhyw gwestiynau? Anfonwch neges e-bost at catherine@wenwales.org.uk