Staff RhCM Cymru

Mae ein tîm bach yn gweithio o gartref ac maent ar gael i siarad mewn digwyddiadau ar gais.

• Anna Brown

  Prif Swyddog Gweithredol

  Mae gan Anna fwy nag 20 mlynedd o brofiad ar draws arweinyddiaeth elusennol, datblygu rhyngwladol a chyllid, gyda hanes cryf o arweinyddiaeth strategol, adeiladu partneriaethau ac eiriolaeth cyfiawnder cymdeithasol. Cyn ymuno â RhCM Cymru, roedd Anna yn Brif Swyddog Weithredol ar y Cyd ar gyfer elusen cyfiawnder cymdeithasol Talking Money, sydd wedi’i lleoli ym Mryste, lle bu’n arwain datblygiad sefydliadol ac yn cryfhau effaith yr elusen ar gefnogi pobl sy’n profi caledi ariannol.

  Yn wreiddiol o Gymru ac yn awr wedi’i lleoli yn Sir Benfro, mae Anna’n angerddol am hyrwyddo cydraddoldeb rhywedd a sicrhau bod lleisiau menywod yn llunio polisi a gwneud penderfyniadau.

  

• Annmarie Brown

  Rheolwr Rhaglenni

  Mae Annmarie yn arwain y cydlynu ac yn cefnogi darpariaeth strategol rhaglenni RhCM, gan gynnwys y rhaglen fentora a hyfforddi traws-gydraddoldeb Pŵer Cyfartal Llais Cyfartal. Mae hi’n gweithio mewn cydweithrediad agos â phartneriaid cenedlaethol i hyrwyddo cynrychiolaeth amrywiol ar draws bywyd cyhoeddus a gwleidyddol Cymru. Gyda chefndir yn y trydydd sector, addysg ac eiriolaeth, mae gan Annmarie brofiad mewn cydraddoldeb rhywedd, cyd-gynhyrchu a dylunio rhaglenni cynhwysol. Mae hi wedi cefnogi darpariaeth lwyddiannus rhaglenni cymhleth, aml-bartner, gan gydbwyso cynllunio strategol â goruchwyliaeth weithredol ac ymrwymiad i ddysgu a gwelliant parhaus. Mae ei gwaith wedi’i seilio ar ymrwymiad cryf i degwch a chyfiawnder cymdeithasol.

  

• Inioluwa Longe

  Swyddog Polisi ac Ymchwil

  Mae Inioluwa yn gyfreithiwr ymroddedig a medrus iawn wedi’i hyfforddi yn y Gymanwlad gydag arbenigedd mewn polisi Rhyw, Iechyd a Thechnoleg. Mae hi’n angerddol am addysg ddigidol a defnyddio technoleg i frwydro yn erbyn trais yn erbyn menywod a merched mewn cymunedau ymylol. Mae ei brwdfrydedd am ragoriaeth a’i hagwedd arloesol wedi ei harwain at ddatblygu diddordeb mewn Polisi Cyhoeddus, lle mae’n rhagori mewn datblygu polisi, prosesau deddfwriaethol, a chydweithio â rhanddeiliaid.Ar hyn o bryd, mae Inioluwa yn gweithio fel Swyddog Polisi ac Ymchwil yn y Rhwydwaith Cydraddoldeb Menywod. Yn y rôl hon, mae’n cefnogi datblygu polisi, yn cynnal ymchwil, ac yn cydweithio â rhanddeiliaid i hyrwyddo cydraddoldeb rhywiol a mynd i’r afael â materion allweddol sy’n effeithio ar fenywod.Mae hi wedi cyfrannu at brosiectau academaidd ar ddiogelwch ar-lein a hawliau digidol ac yn ddiweddar ysgrifennodd bennod yn y Llyfr Affricanaidd ar Fenywod a Seiber-hawliau yn Affrica, yn canolbwyntio ar dechnolegau digidol a thrais partner agos yn Nigeria.

  

• Dr Jessica Laimann

  Rheolwr Polisi a Materion Cyhoeddus

  Mae Jessica yn arwain ar waith polisi RhCM ac yn cydlynu gwaith ymgyrchu a dylanwadu mewn partneriaeth â’n haelodau. Mae ganddi brofiad polisi mewn llywodraeth ddatganoledig a lleol ynghyd â chefndir ymchwil cryf. Cyn dechrau yn RhCM, bu’n cydlynu gwaith partneriaeth awdurdodau lleol rhanbarthol a Chymru gyfan, cwblhaodd leoliad yng Ngwasanaeth Ymchwil y Senedd, ac enillodd PhD mewn athroniaeth. Mae hi’n frwd dros yrru newid sy’n darparu cyfle cyfartal ac awdurdod i bob merch yng Nghymru.

  

• Megan Evans

  Rheolwr Cyfathrebu ac Ymgysylltu

  Mae Megan yn arwain ar gyfathrebu ein gwaith ar draws pob rhaglen ac ymgysylltu â rhanddeiliaid allweddol, gan gynnwys ein haelodau. Mae hi wedi gweithio yn y sector cydraddoldeb ers 10 mlynedd, gan reoli a chyflawni cyfathrebu strategol effeithiol ar gyfer prosiectau mawr ar draws disgyblaethau. Mae hi’n angerddol am gydraddoldeb rhywedd, ffeministiaeth groestoriadol, hawliau LHDT, a chyfiawnder hiliol, ac mae ganddi MA o Brifysgol Lyon.