Rachel Bromwich

Wedi’i geni yn Lloegr, cwympodd Rachel Sheldon Amos mewn cariad â ieithoedd a diwylliannau Celtaidd yr oesoedd canol tra oedd yn fyfyrwraig ym Mhrifysgol Caergrawnt, a symud i Gymru i ddatblygu ei diddordeb yn y pwnc fel myfyrwraig uwchraddedig. Ysgrifennodd yn helaeth am y Trioedd, ac mae ei llyfr Trioedd Ynys Prydein yn cynnig mynegai cynhwysfawr o draddodiadau’r Gymru gynnar. Ysgrifennodd yn helaeth hefyd am y bardd Dafydd ap Gwilym, ac yn 1996 hi oedd golygydd Medieval Welsh Literature to 1400. Ar ôl ymddeol ymgartrefodd yng Ngharneddi yng ngogledd Cymru, cyn symud i Aberystwyth cyn ei marwolaeth yn 2010.