Kirsty Williams

Cafodd Kirsty Williams ei magu yn Sir Gaerfyrddin, mae’n gyn arweinydd Democratiaid Rhyddfrydol Cymru, ac yn Aelod Cynulliad ers 1999. Yn 2012 enillodd wobr Aelod Cynulliad y Flwyddyn ITV a chafodd CBE yn 2013. Yn 2013 cyflwynodd ddeddfwriaeth i sicrhau bod nifer ddiogel o nyrsys yn ysbytai Cymru, y Bil Mwy o Nyrsys, a gafodd ei gymeradwyo gan y Cynulliad yn 2016, gan olygu mai Cymru oedd y wlad gyntaf yn Ewrop i gyflwyno deddf o’r fath. Ar hyn o bryd Kirsty yw Ysgrifennydd Addysg Llywodraeth Cymru.